КУРТА (Желак)

КУРТА (Желак)— қўлдан тўқилган олача матодан тикилган. Бу бошга ўраладиган либос уч қисмдан иборат - бош қисм, олди қисм, орқа қисм. Желак паранжининг калта кўринишидир. Фақат унда чиммат бўлмайди. Желакнинг бош қисми, икки ёни ва орқа томонидаги иккита бўлаги четига аввал жияк тутилиб, сўнг кашталанган. Желак ҳам аёллар икки-уч болали бўлганидан сўнг то умрининг охиригача ўралган. У бошни иссиқ-совукдан асраши билан бирга бегона назардан ҳам ҳимоя қилган. Желакнинг икки узун солинчиғи кармон вазифасини ҳам ўтаган.